Repsol YPF

Que conclusións podes sacar destes primeiros adestramentos en Sepang?
“Estou moi contento. Estamos a dúas décimas do primeiro, o que non é unha gran diferenza, así que estou satisfeito do traballo que realizamos. Durante os adestramentos, o noso nivel foi moi alto e o importante para nós é empezar situados entre os mellores. É moi positivo ver no monitor que facemos o segundo ou o terceiro mellor tempo. Estou moi contento co nivel da moto, é realmente rápida e máis manexable en todos os aspectos. Voume a casa verdadeiramente contento e tranquilo, porque estamos moi preto dos pilotos máis rápidos. Somos un deles. Depende só do traballo do meu equipo o atopar os pequenos puntos onde temos que mellorar na próxima proba en Malaisia”.

Que sensacións te transmite a Honda RC212V deste ano?
“Nestes tres días aprendemos moitas cousas sobre a moto. Melloramos o control de tracción, a manexabilidade da moto nas curvas… O único que falta perfeccionar é a estabilidade na freada. Non me refiro á estabilidade na roda dianteira, onde creo que fixemos unha gran mellora, senón á inestabilidade que temos na roda de atrás. Temos pequenos rebotes na roda traseira ao entrar en certas curvas. Se o logramos resolver aínda seremos máis rápidos. É un dato positivo, porque temos marxe de mellora, pero no tempo que levamos traballando niso, aínda que conseguimos evolucionar, non logramos resolvelo completamente”.

Ese rebote na roda traseira aparece só cando vas ao límite?
“Depende da curva, porque hai algunhas, como a curva 7, na que non necesitas reducir, por tanto non utilizas o embrague, e entón o rebote é moi grande. Cando necesitas baixar dous ou tres marchas, xogas co derrape e é difícil que apareza o rebote. Ás veces aparece pero noutras ocasións non e entón a entrada a curva é un pouco máis fácil. Pero se solucionamos o problema na curva 7, en todas as curvas irá ben, e iso sería moi importante”.

Dani e Casey teñen o mesmo problema?
“Todos en Honda teñen este problema. Que inflúa máis ou menos depende do embrague que usas, e canto control de tracción utilizas, porque depende do estilo e de canto traballas co embrague. O problema é da moto e dependendo do estilo acentúase máis ou menos. Por exemplo, vin que algúns pilotos de Yamaha e Ducati non usan o embrague, por iso non teñen ningún problema e por iso a diferenza é importante”.

Cal é a prioridade que pedirías aos teus técnicos?
“Como dixen antes, sería o rebote na roda traseira. Necesitamos saber se está relacionado unicamente co embrague ou se inflúe a electrónica. O nivel da moto é moi alto e é só un aspecto o que debemos mellorar. De todas as maneiras, estou moi contento coa moto. O nivel é moi alto, algúns pilotos son realmente rápidos, e nós estamos só a dúas décimas do máis rápido, así que necesitamos pensar en como mellorar un pouco. Por exemplo, creo que Dani é dous ou tres décimas máis rápido, e fixo unha serie de voltas seguidas e a un ritmo constante de 2 minutos, 1 segundo e 4 ó 5 décimas, un tempo realmente rápido. Nós estamos 2 ou 3 décimas por debaixo, pero a estas alturas, despois da primeira proba, non é un gran problema se melloramos de cara ás seguintes probas”.

Fostes forte os tres días. Tes algunha dúbida acerca da competitividade da moto?
“Fun bastante forte, máis que noutros circuítos e sempre a unha ou dúas décimas do primeiro. É por iso que son optimista. A moto é absolutamente competitiva. Sobre todo, a diferenza de anos anteriores, ver que hai tantos pilotos Honda diante confirma que a moto é competitiva”.

07/02/2011

Últimas noticias

> Casey Stoner: "A Honda sorpréndeme volta tras volta, unha e outra vez"
> "Sempre crin en min mesmo, a miña confianza nunca minguou"